I Sykkylven kommune er det fem kommunale og fire private barnehagar i drift.

Alle barnehagane i kommunen er godkjende for barn frå 1-5 år.

Barnehagane ligg spreidd i heile kommunen og tilbyr ulike opphaldstider, kommunale barnehagar har 60, 80 og 100% plassar, medan nokre av dei private i tillegg har 40 og 50% plassar i sitt tilbod.

Det er full barnehagedekning i kommunen.

I tillegg til hovudopptak med søkjefrist 1. mars og oppstart frå 1. august, har vi fortløpande opptak gjennom året for nye søkjarar.

Dei fleste barnehagane er med i "den sykkylvske barnehage" under visjonen "Ein plass for den gode barndom".

Felles verdigrunnlag for barnehagane som er med er:
Trivsel, Tryggleik, Glede, Fellesskap og Læring.

Målet er at vi i fellesskap skal skape ein god og innhaldsrik barnehage for alle barna, dei føresette og dei tilsette.

Kvar barnehage arbeider med dei sju fagområda i rammeplanen og har eitt eller fleire av fagområda som fokusområde. Fagområda er:

Kropp, rørsle og helse
Natur, miljø og teknikk
Kunst, kultur og kreativitet
Kommunikasjon, språk og tekst
Etikk, religion og filosofi
Tal, rom og form
Nærmiljø og samfunn.


Kontaktinforamsjon:

Barnehagefagleg rådgjevar Kristin Dyrkorn
Tlf.: 70 24 66 08
e-post: kristin.dyrkorn@sykkylven.kommune.no