Sykkylven Seniorakademi er ei foreining som har til føremål å stimulere eldre og andre interesserte til å halde ved like samfunnsengasjementet sitt og utvide og utvikle kunnskapane sine. Dette vert primært gjort gjennom foredrag og forelesingar på temamøte. Vi legg vekt på at innhaldet i aktivitetane skal halde eit høgt fagleg nivå, og ha eit populærvitskapleg preg.
Møta i Sykkylven Seniorakademi er opne for alle. Medlemene går gratis, men andre betaler inngangspengar. Møta vert avvikla på Sykkylven Kulturhus med møtestart kl. 13.00. I forkant av møta (frå kl 12.00) vert det normalt høve til kjøp av kaffi og mat. Møta vert annonserte i lokalavisa Nyss og i digitale medier.