Her er nokre av dei viktige endringane som gjeld frå 1. januar 2021:

• Prisen for enkeltbillett til barn og honnør blir auka til 20 kroner for 1. sone, 22 kroner for 2. sone og 25 kroner for 3. sone (opp med ei krone). 4. sone og oppover blir som i dag.
• Prisen for enkeltbillett til vaksen og student blir auka til 39 kroner i 1. sone, 44 kroner i 2. sone og 50 kroner i 3. sone (opp med to kroner). 4. sone og oppover blir som i dag.
• Barn blir rekna frå 6 år til 17 år. Tidlegare har aldersgrensa for barn vore frå 4 år.
• Vaksen blir rekna frå 18 år til 67 år. Tidlegare har aldersgrensa for vaksen vore frå 16 år.
• Prisane for billettane på hurtigbåtane blir som i dag.
• Merk! Prisane som skal gjelde for billetteringa på fylkesvegferjene er ubestemte inntil vidare (skal opp i fylkestinget).
• Kjøper du enkeltbillett om bord på bussane og hurtigbåtane med bankkort eller kontantar, blir det lagt til eit om bord-tillegg på 10 kroner for vaksen og student og 5 kroner for barn, honnør og militær.

Meir informasjon om takstane som gjeld frå 1. januar, kan du finne på frammr.no. 

(Gjeld sak SA-78/20 Takstsak 2021 – nye takstar for buss, hurtigbåt og fylkesferjer.)

Informasjonen er sendt ut av rådgivar Christoffer Fatland Lie hos Møre og Romsdal fylkeskommune.