Barn født 2010 - 2016 kan få koronavaksine (barnedose), dersom foresatte ønsker dette. Barnet må vere fylt 5 år. Koronavaksine for denne gruppa er ikkje ei generell anbefaling for alle, men eit tilbod.

Koronavaksine er særleg aktuelt for:

• Barn med kronisk sjukdom
• Barn som er nærkontakt med utsette personar (t.d. alvorleg sjuke i nær familie)
• Barn som skal opphalde seg eller flytte til land med høg smitterisiko eller dårleg tilgang på helsetenester

Alle som skal vaksinere seg må ta med ferdig utfylt samtykkeskjema frå begge foresatte på vaksinasjonsdagen.

Påmelding

Ta kontakt på tlf: 70 24 65 00. Sentralbordet er ope kvardagar frå kl. 09.00 - 15.30.

Meir informasjon frå Folkehelseinstituttet

Informasjonsark for vaksinering av barn 5 - 11 år.

Informasjon om vaksinasjon av barn og unge.

Folkehelseinstituttet har utarbeida ei oversikt over diagnosar og medisinar som kvalifisera til fjerde dose med koronavaksine. Behovet for ei 4.dose med koronavaksine må dokumenterast. Ta med naudsynt dokumentasjon ved oppmøte til vaksinasjonsstaden. Dokumentasjon kan vere erklæring frå fastlege, spesialisthelsetenesta, reseptar, innpakning av medikament med namn. Sjå meir informasjon om krav til dokumentasjon hos Folkehelseinstituttet.

Det skal vere 3 månadar mellom 3. og 4.dose. 

Kven kan få 4. dose?

Saman med dei fagmedisinske miljøa og spesialisthelsetenesta har Folkehelseinstituttet utarbeida ei oversikt over diagnosar og medisiner som kvalifisera til fjerde dose med koronavaksine. Dette gjelder:

•    Organtransplanterte
•    Beinmargstransplantert dei siste 2 åra
•    Alvorleg og moderat medfødt immunsvikt
•    Alvorleg nyresvikt (stadium 5) eller i aktiv dialyse
•    Avansert eller ubehandla hiv-infeksjon
•    Pasientar med pågåande betydeleg immundempende behandling av anna årsak

Spesialisthelsetenesta har utarbeida ei liste over medisinar med betydeleg immundempande verknad som gjer at brukarane blir anbefalt 4. dose med koronavaksine. Denne medikamentlista finn du her. (PDF, 447 kB)

Personar over 80 år kan få ein 4. dose (andre oppfriskingsdose) om dei ønkjer (NB! dei over 80 år som har hatt korona etter å ha fått tredje dose skal ikkje ha ein 4. dose). 

Påmelding

Vitusapotek Sykkylven har overtatt ansvaret for koronavaksineringa i Sykkylven. Du kan bestille time via helseboka.no eller du kan ta kontakt med apoteket på tlf. eller e-post;

E-post: sykkylven@vitusapotek.no

Tlf: 70 25 45 10

• Dose 2 - minst 3 veker(Pfizer) og minst 4 veker(Moderna)
• Dose 3 - 20 veker sidan dose 2 - dette gjeld alle over 18 år. 
• Dose 4 - 3 månadar sidan 3.dose (berre særskilte grupper med alvorleg sjukdom er anbefalt å ta ei fjerde dose)

Informasjon om vaksinen - Comirnaty (BioNTech og Pfizer)

Informasjon om vaksinen - Spikevax (Moderna)

Vanlege biverknadar er:

• Smerter på stikkstaden
• Ein blir trøytt og får hovudverk
• Muskelsmerter, fyrsningar og leddsmerter
• feber

Biverknader er sjeldnare hos eldre enn hos yngre vaksne. I dei aller fleste tilfella er biverknadane milde eller moderate. 

Opplev du uventa, kraftige eller langvarige symptom som du trur kjem frå vaksinen bør du ta kontakt med lege eller anna helsepersonell for vurdering og råd. 

• Korleis blir koronavaksiner godkjende?

Personar med norsk fødselsnummer eller d-nummer kan no få etterregistrert vaksinar som er tatt i utlandet. Etterregistrering gjeld kun vaksinar som er godkjende av det europeiske legemiddelbyrået EMA.  

Dette må du sende til oss:

• Du treng anten informasjon frå koronasertifikat utstedt i EU- eller EØS-området, eller anna truverdig vaksinasjonsdokumentasjon som vaksinedato, type og batchnummer. Dette er uavhengig av kvar i verda desse vaksinane er sett.

Du kan sende dokumentasjonen til Sykkylven kommune, Postmottak, Kyrkjevegen 62, 6230  Sykkylven. Kan ikkje sendast på e-post pga. sensitiv informasjon som for eksempel personnummer.

Sakshandsamingstida er ca. 1 veke.

Koronasertifikatet ditt finn du på helsenorge.no. Sertifikatet gir deg oversikt over vaksinasjonsstatus og den siste negative koronatesten som er registrert på deg dei siste sju dagane. Du må ha norsk fødselsnummer eller D-nummer for å få tilgang til koronasertifikatet på Helsenorge.

Koronasertifikat - helsenorge.no

MERK! Kvar gong du opnar koronasertifikatet ditt, vil det stå ein teknisk gyldighet (utløpsdato) som er om 90 dagar. Denne datoen er bevegeleg, så neste gong du går inn og ser på sertifikatet, vil det vere gyldig i nye 90 dagar.

Meir informasjon om koronasertifikatet.

Dersom du er fullvaksinert og ikkje har tilgang til helsenorge.no, og du ønsker utskrift av koronasertifikatet, kan vi hjelpe deg med dette. Ta kontakt på tlf. 70 24 65 00.