Frå veke 14 startar vi med massevaksinering i prioriteringsgruppe 4. Prioriteringsgruppe 4 er dei mellom 65 - 74 år, og personar mellom 18- 64 år med sjukdommar eller tilstandar med høg risiko for alvorleg forløp. For dei mellom 65 og 74 år vil innkallinga skje etter alder.

Etter veke 17 (27.04) er det ca. 175 personar igjen i prioriteringsgruppe 4.

Vi håpar og trur vi kan starte med vaksinering av dei andre prioriteringsgruppene etter tur i veke 18/19. Dette er sjølvsagt avhengig av kor mange vaksiner kommunen får.

Prioriteringsrekkefølgen av risikogruppene: 

1. Beboere i sykehjem 

2. Alder 85 år og eldre

3. Alder 75-84 år 

4. Alder 65-74 år 
og samtidig personer mellom 18¤ og 64 år med sykdommer/tilstander med høy risiko for alvorlig forløp (merket med * i listen over risikogrupper under)  

5. Alder 55-64 år med underliggende sykdommer/tilstander (se listen over risikogrupper under)  

6. Alder 45-54 år med underliggende sykdommer/tilstander 

7. Alder 18-44 år med underliggende sykdommer/tilstander 

8. Alder 55-64 år 

9. Alder 45-54 år 

Folkehelseinstituttet anser at aldersinndelingen følger alderskohortene per år, dvs at personer som er født i samme år tilbys vaksine samtidig.

Folkehelseinstituttet (FHI) sine prognosar

FHI har laga eit vaksinescenario som antyder når dei ulike målgruppene kan rekne med å få vaksine. Vi gjer merksam på at det er usikkerheit knytt til tala, då tala er basert på det ein veit akkurat no. 

Sjå Folkehelseinstituttet sitt vaksinescenario her.

Status for vaksinering i Sykkylven kommune

I denne tabellen finn du ei oversikt over kor mange vaksinedosar Sykkylven kommune får kvar veke, samt kven som får vaksinene. Kommunen har moglegheit til å bruke inntil 20% av dosene på helsepersonell. Vi kan ikkje oppdatere tabellen langt fram i tid, då vi ikkje får vite antall vaksinedosar fram i tid.

Du kan fortsatt registrere deg for koronavaksine. Vi ynskjer at du også registrerar deg viss du vil takke nei til vaksine. Har du takka nei vil du kunne få tilbod ved eit seinare høve.

Dersom du er under 65 år og i risikogruppe og du har fastlege i ei anna kommune, må du legge ved dokumentasjon ved registrering. Du kan anten laste opp dokumentasjon når du registrerar deg, eller du kan sende pr. post til Sykkylven kommune, Kyrkjevegen 62 6230 Sykkylven.

Registrer deg her

Har du problem med å bestille time på nett kan du be om hjelp frå ein pårørande, eller du kan ringe Sykkylven kommune på tlf. 70 24 65 00, sentralbordet er opent frå kl. 09.00 - 15.30. 

Du vil få ein sms får tlf.nr. 26 199 med innkalling til vaksinering når det er din tur. I sms-en står tidspunkt for både dose 1 og dose 2. Det er viktig at du så snart du kan, svarar på sms-en med VAKSINE OK. Dei som har registrert seg med fasttelefon eller ikkje svarar på sms innan eit par dagar vil bli oppringt. 

Det er svært viktig at den som takkar ja til tildelt tid benyttar seg av tilbodet. Dersom du vert sjuk og ikkje kan møte til oppsatt tid, ta kontakt på tlf. 70 24 65 00. 

Du vil få ein sms med innkalling til vaksine når det er din tur. I sms-en står tidspunkt for både 1.dose og 2. dose, det er viktig at du kan møte begge desse dagane. 

Vaksineringa foregår i tidlegare Sparebankbygget, pilgata 10. 

Dette bør du tenke på før du møter opp

• Ta med ferdig utfylt eigenerklæringsskjema frå FHI. Dersom du ikkje har moglegheit til å skrive ut skjemaet sjølv, kan du fylle det ut på vaksinasjonsstaden.
• Av omsyn til smittevern ber vi deg møte presis, ikkje for tidleg. 
• Gjerne ha på deg klede som gjer overarma di lett tilgjengeleg
• Før vaksinasjonen blir du spurt om du er frisk, og om du har hatt reaksjonar på andre vaksiner du har fått tidlegare. 
• Etter vaksina er satt, skal du vente i 20 minutter. 

Du skal ikkje møte opp til vaksinasjon dersom du på vaksinasjonsdagen:

• Har forkjølingssymptom, feber over 38 grader eller andre teikn på infeksjonssjukdom
• er i karantene eller ventar på svar på koronatest
• har blitt vaksinert med anna vaksine i løpet av dei siste 7 dagane
• det har gått mindre enn 3 veker sidan du var ferdig med isoleringsperioden etter koronasjukdom
• er gravid utan å tilhøyre risikogruppe for alvorleg koronasjukdom

Gi beskjed så raskt som mogleg til oss på tlf. 91 64 02 79, vaksinasjonen vil då bli utsett. 

Informasjon om vaksinen - Comirnaty (BioNTech og Pfizer)

Vanlege biverknadar er:

• Smerter på stikkstaden
• Ein blir trøytt og får hovudverk
• Muskelsmerter, fyrsningar og leddsmerter
• feber

Biverknader er sjeldnare hos eldre enn hos yngre vaksne. I dei aller fleste tilfella er biverknadane milde eller moderate. 

Opplev du uventa, kraftige eller langvarige symptom som du trur kjem frå vaksinen bør du ta kontakt med lege eller anna helsepersonell for vurdering og råd. 

• Korleis blir koronavaksiner godkjende?

Dersom du har fastlege i Sykkylven kommune, sender legen din over informasjon på kva prioriteringsgruppe du er i. Du treng ikkje å ta kontakt med kommunen. 

Har du fastlege i ei anna kommune må du legge ved dokumentasjon på at du er i risikogruppe under 65 år. Dokumentasjonen kan du laste opp og legge ved når du registrerar deg for vaksinering.

Har du ikkje moglegheit til å legge ved dokumentasjon digitalt, kan du sende det pr.post til Sykkylven kommune Kyrkjevegen 62 6230 Sykkylven eller legge det i postkassa utanfor servicetorget. Merk med "dokumentasjon vaksine". 

Du kan ringe/sende sms til vår vaksinetelefon: 91 64 02 79.

Telefontenesta er open tysdagar, onsdagar og torsdagar frå kl. 10.00 - 14.00 

Du kan ringe dersom;

• du er over 75 år, og av ulike årsakar ikkje har fått innkalling
• du har spørsmål om innkallinga
• du har fastlege i ei anna kommune og tilhøyrer ei av risikogruppene. 
• du har takka nei til time før, men no ynskjer å ta vaksine likevel

Har du generelle spørsmål om vaksinasjon, send oss ein e-post: covid19@sykkylven.kommune.no