Kommunen si beredskapsplikt er heimla i sivilbeskyttelseslova §§ 14 og 15 og i forskrift om kommunal beredskapsplikt, og skal gjennom sitt beredskapsplanverk kunne handtere uønska hendingar. I tilegg skal alle kommunar gjennomføre ei heilskapeleg risiko- og sårbarheitsanalyse for kommunen.

Sykkylven kommune har ei kriseleiing som kan koordinere innsatsen ved ei uønska hending. I tillegg har kommunen ei omsorgsberedskapsgruppe som vert aktivert når det er behov for det. I kriseplanverket er det ressursoversikter og viktig kontaktinformasjon.

Kommunen har også ein brannberedskap, som er ein viktig del av den samla samfunnsberedskapen.

Informasjon som gjeld skadestad, skadde, pårørande og andre involverte er politiet sitt ansvar.

Kommunen informerer om kommunen sine aktivitetar og tiltak i høve hendinga. Generell informasjon frå kommunen vil bli gitt i tilgjengelege media; heimesida, NRK Møre og Romsdal m.m.

Kriseleiinga sin informasjonsplan vil tre i kraft i ein krisesituasjon. Informasjonstenesta vil jamleg formidle informasjon frå kriseleiinga. Denne vil halde kontakt med media, arrangere pressekonferanser, sende ut pressemeldingar m.v.

Ved større landsomfattande hendingar har Regjeringa oppretta ei eiga nettside www.kriseinfo.no
Her finn ein viktig informasjon frå styresmaktene før, under og etter kriser.

Kommunen kan sende ut viktige varsel til befolkninga på ulike måtar.

Befolkningsvarsling via sms. Utsending av  sms eller talemeldingar til mottakarar  etter markering i kart, kopla opp mot folkeregister, registrert telefon på adressa og heimelsregister. Det kan vere både eigar og bebuar, eller begge.

Dersom slike sambandlinjer er ute av drift, vil ein bruke dør til dør-varsling, v. t.d brannvesenet eller med bistand frå Røde Kors