Kven kan søke om omsorgsstønad?
Du kan få omsorgsstønad dersom:
- Du gir særleg tyngande omsorg til ein person i heimen
- Omsorgsarbeidet er nødvendig og ville elles blitt utført av kommunen
- Det er vurdert at omsorgsstønad er det beste alternativet
- Du har søkt om hjelpestønad frå NAV
Stønaden skal støtte opp om privat omsorg og bidra til at familien kan halde fram med å ta vare på sine næraste.
Du har ikkje krav på omsorgsstønad, men kommunen har plikt til å vurdere søknaden etter helse- og omsorgstenestelova § 3-6.
Kva dekker omsorgsstønaden?
Omsorgsstønad er eit fast beløp kvar måned som gir ei økonomisk godtgjering for delar av tida du brukar på pleie- og omsorgsarbeid i heimen. Stønaden skal vurderast i samanheng med eventuell hjelpestønad frå NAV.
Omsorgsstønad dekker ikkje tapt arbeidsinntekt ved redusert stilling.
Slik søker du
Det er felles søknadsskjema for alle helse- og omsorgstenester i Sykkylven kommune. Du kan velje om du vil fylle ut elektronisk skjema (anbefalt) eller skrive ut pdf-skjemaet og fylle ut for hand.
Kva skjer etter at du har søkt?
Søknader blir behandla etter kvart som dei kjem inn. Seinast innan 4 veker skal du ha mottatt svar frå kommunen med endeleg vedtak, eller med orientering om når du kan forvente endeleg svar.
Klage
Du kan klage dersom du er uenig i vedtaket. Klagefristen og informasjon om korleis du går fram, blir sendt saman med vedtaket.
Dersom du får medhald i klagen, vil kommunen gjere eit nytt vedtak.
Regelverk