Individuell plan og koordinator Dersom du har behov for fleire helse- og omsorgstenester over lengre tid, har du rett til å få utarbeidd ein individuell plan (IP). Planen skal sikre at du får eit heilskapleg og samordna tenestetilbod. Du har også rett til ein koordinator som følg deg opp og sørger for at tenestene fungerer godt saman. Publisert 27.05.2025 15.11 Sist endra 17.06.2025 10.52 Kva gjer koordinerande eining? Koordinerande eining i Sykkylven kommune har det overordna ansvaret for individuell plan og koordinator. Eininga skal: Ta imot meldingar om behov for individuell plan og koordinatorOppnemne koordinator Gi opplæring og rettleiing til koordinatorar Ha oversikt over kven som har individuell plan og koordinator Utarbeide rutinar og prosedyrar for arbeidetVere kontaktpunkt for spørsmål om koordinering av tenesterKven kan få individuell plan og koordinator? Du kan få individuell plan og koordinator dersom du har behov for:Langvarige og koordinerte helse- og omsorgstenesterOppfølging frå fleire tenester over tid Du har rett til å delta i arbeidet med planen, og det skal leggast til rette for at du kan medverke. Pårørande kan også bli involvert dersom du ønsker det. Dersom du ikkje har samtykkekompetanse, har nærmaste pårørande rett til å medverke. Ein individuell plan gir ikkje rett til fleire tenester enn det du allereie har krav på etter lovverket, men skal sikre betre samordning og oppfølging. Slik søker duDu kan be om individuell plan og/eller koordinator ved å sende inn skjema: Melding til koordinerande einingLover og regelverkHelse- og omsongstenestelova (Individuell plan, koordinator og koordinerande enhet).Pasient og brukerrettighetslova (Rett til individuell plan).Forskrift om habilitering og rehabilitering, individuellplan og koordinator.IS-2651 Veileder om rehabilitering, habilitering, individuell plan og koordinator.Veileder om oppfølging av personer med store og sammensatte behov.