Kva er ein kommunal bustad? 

Ein kommunal bustad er ein mellombels leigebustad som kommunen tildeler til personar som er vanskelegstilte på bustadmarknaden. Dette kan verre fordi du: 

• står utan bustad
• har låg inntekt eller ingen formue 
• ikkje får hjelp gjennom andre offentlege ordningar

Leigeavtalen varer som hovudregel i inntil 3 år, og du må sjølv jobbe aktivt for å finne ein varig bustad i denne perioden. 

Kven kan søke?

Du kan søke om kommunal bustad dersom du: 

• har lovleg opphald i Norge
• som hovudregel har budd i Sykkylven det siste året 
• manglar eigna bustad, eller står i fare for å miste bustaden din 
• ikkje har økonomiske moglegheiter til å skaffe bustad sjølv 
• er villig til å ta i mot hjelp for å meistre bustadsituasjonen 

Slik søker du

Du søker ved å fylle ut søknadsskjemaet for kommunal bustad: 

• Søknadsskjema - kommunal bustad

Kva skjer etter at du har søkt? 

• Søknadar blir behandla fortløpande. 
• Dersom du får tildelt bustad, inngår du ein tidsavgrensa leigekontrakt med Sykkylven Bustadselskap.
• Leigeperioden er normalt 3 år. 
• Du må sjølv arbeide for å finne ein varig bustad i løpet av denne perioden. 

Treng du bustad raskt? Nødbustad kan vere ei løysing

Dersom du er i ein akutt situasjon utan ein stad å sove eller opphalde deg det neste døgnet, kan du få hjelp til mellombels bustad gjennom Nav Sykkylven-Stranda. 

• Kontakt Nav Sykkylven-Stranda