Smittevern og miljøretta helsevern

Kommunen har mange oppgåver innan førebygging og behandling av smittsame sjukdommar. Det er kommuneoverlegen som har det overordna ansvaret for at smittevernlova sine bestemmelsar følgjast opp. 

Varsling om smitte

Ved utbrot av smittsame sjukdommar i barnehagar og institusjonar skal den som oppdagar smitteutbrotet snarast mogleg kontakte smittevernlege. Smittevernlegen varslar vidare til aktuelle instanser som legevakt, fastlegar, Mattilsynet, fylkeslegen, folkehelseinstituttet. Kommuneoverlegen er smittevernlege i Sykkylven.

Godkjenning av verksemder

Kommuneoverlegen fører tilsyn med og godkjenner verksemder som mellom anna skular og barnehager. Godkjenning av skular og barnehagar inkluderer vurderingar av sikkerheit ute og inne, hygieniske forhold, luftkvalitet, reinhald, helsemessig beredskap m.m.