Den offentlege tannhelsetenesta gir gratis eller redusert pris på tannbehandling til utvalde grupper i befolkninga. Tilbodet er regulert gjennom lov om tannhelsetenesta og blir organisert av fylkeskommunen.
Sist endra 22.05.2025 12.31
Desse gruppene får offentleg tannhelsehjelp
Følgande grupper har rett til gratis eller delvis dekka tannbehandling:
Lovpålagde grupper
- Born og unge frå 0 til 18 år
- Ungdom som fyller 19 eller 20 år i behandlingsåret - får 75% rabatt på offentlege takstar
- Ungdom frå 21 til og med 24 år kan få 75% rabatt på offentleg tannbehandling
- Psykisk utviklingshemma, både i og utanfor institusjon.
- Eldre, langtidssjuke og uføre som bur i institusjon eller får heimesjukepleie
Andre grupper med rett til gratis tannbehandling
- Rusavhengige i institusjon eller som får tenester etter helse- og omsorgstenestelova
- Personar i legemiddelassistert rehabilitering (LAR)
- Personar med psykiske lidingar som får poliklinisk behandling i spesialisthelsetenesta i minst tre månader
- Personar som gir omsorg med omsorgsløn, der pleiebehovet er dokumentert av lege
Kvar får du tannbehandling?
Den offentlege tannhelsetenesta i Møre og Romsdal blir organisert av fylkeskommunen. Du finn informasjon om tannklinikkar, opningstider, prisar og kontaktinformasjon her: