Kva er ein barnekoordinator

Ein barnekoordinator er ein kontaktperson som hjelper familien med å få oversikt og samordne tenester. Koordinatoren skal bidra til at barnet og familien får den hjelpa dei har rett på, på ein enkel og oversiktleg måte. 

Barnekoordinatoren kan: 

• koordinere tenester og følge opp kontakt med ulike instansar 
• gi informasjon om rettar, plikter og relevante tenester
• formidle kontakt med frivillige organisasjonar og velferdstenester
• sikre at barnet si stemme blir høyrt og tatt på alvor 
• følge opp individuell plan, dersom barnet har det
• bidra til godt samarbeid mellom fagpersonar og tenester 
• gi rettleiing slik at familien kan medverke i avgjerder

Slik søker du 

Foreldre eller føresette kan søke om barnekoordinator. Tilbodet kan også bli innvilga før barnet er fødd. 

Du kan søke ved å fylle ut dette skjemaet: 

• Søknadskjema - Barnekoordinator

Du kan også ta kontakt med Tenestekontoret pr. tlf: 94158814.

Kva skjer etter søknaden?

Når du har fått tildelt ein barnekoordinator, vil vedkomande ta kontakt med deg. Du må då fylle ut ei samtykkeerklæring. Koordineringa skjer i samarbeid med familien og barnet, og tenesteapparatet skal legge til rette for god dialog og medverknad. 

Lovgrunnlag

Retten til barnekoordinator er forankra i fleire lover. Hovudregelen står i: 

• Helse- og omsorgstenestelova §7-2a

Andre relevante lover som regulerer samarbeid mellom tenester: 

• Helse- og omsorgstjenesteloven § 3-4 og 7-2a 
• Barnevernloven § 3-2 og 3-2a 
• Pasient- og brukerrettighetsloven § 2-5c 
• Nav-loven §15 og §15a 
• Sosialtjenesteloven §13 
• Familievernkontorloven § 1a 
• Opplæringsloven  §4A-14 og § 15-8 
• Privatskoleloven §3-6a og 3-6 b 
• Spesialisthelsetjenesteloven §2-1e  § 2-5 og § 2-5a 
• Barnehageloven § 2b 
• Krisesenterloven § 4 
• Tannhelsetjenesteloven § 1-4a