Ullavik barnehage vart skipa som partslag i 1986 under namnet Sykkylven Barnehage P/L. Det var foreldra som stod som eigarar. Frå hausten 1986 og fram til 1991 heldt barnehagen til i Speidarbo i Aurelia. I 1991 vart det bygd ny barnehage i Ullavik. Sykkylven kommune tok over drifta hausten 1996. Den 1.august 2002 vart namnet endra til Ullavik barnehage.
Ullavik barnehage ligg solrikt og fint til i sydhellinga i Ullavik, omkransa av fin natur, og det er kort veg til «Trollskogen» der gapahuken står sentralt når barna skal utforske naturen og bruke sine kreative evner. Vi startar barnehageåret med at barna skal bli kjent med barnehagen, seinare fellesskapet på tvers av avdelingane, og etter kvart skal barna vere med på å utforske naturen og nærmiljøet rundt oss.
Barnehagen sitt pedagogiske grunnsyn kjem til syne gjennom den daglege aktiviteten. Vi vektlegg viktige grunnverdiar som gjensidig toleranse, nestekjærleik, sanning og rettferd. På bakgrunn av dette må vi i fellesskap heile tida tenkje igjennom kvifor og korleis arbeidet vert gjort. Vi må vere bevisst handlingane våre og på den måten sikre kvaliteten i barnehagen. Likeverd og respekt er grunnlaget for alt samspel mellom barn og vaksne.
Vi har utforma ein visjon for arbeidet i Ullavik barnehage der vi vil skape eit miljø prega av tryggleik, trivsel, fellesskap og glede.
Ullavik barnehage har i dag 4 avdelingar: Kasper, Jesper, Jonatan og Tobias. Avdeling Tobias er nyoppstarta hausten 2023 i SFO-lokala til tidlegare Ullavik skule som ligg rett ved barnehagen. Barnehageåret 2023/2024 har Kasper og Jesper 16 plassar kvar i alderen 3-6 år, og Jonatan og Tobias har 13 plassar kvar i alderen 0-3 år.
Satsingsområda ved barnehagen er språk og Solid Start.
I samspel mellom brukarane, lokalsamfunnet, lovverket, rammeplan for barnehagane, den lokale rammeplanen, Solid Start Sykkylven , «Den Sykkylvske barnehage – ein plass for den gode barndom», ligg alt til rette for ein spennande og utfordrande kvardag både inne og ute for barna i Ullavik barnehage.
Opningstida dette barnehageåret er klokka 07.00-16.30. Barnehagane er stengt i romjula, påskeveka og fellesferien, forutan 5 studiedagar spreidde utover året (jf. Barnehageruta).
Årsplan
Aktivitetsplan Jonatan 2024/2025 (PDF, 239 kB)
Aktivitetsplan Kasper og Jesper 2024/2025 (PDF, 223 kB)
Aktivitetsplan Tobias 2024/2025 (PDF, 234 kB)
Kommunikasjon mellom heim og barnehage (PDF, 117 kB)
Vedtekter
Barnehagerute (Ullavik) 2024-2025 (PDF, 87 kB)
Solid Start
Trafikksikker barnehage
Rammeplanen
Barnehagelova
Adresse:
Ullavik barnehage
Ullaviklia 23
6230 Sykkylven
Representantar i Foreldreutvalet:
Janne Tomtum, Celina Skjortnes Karlsen, Henriette Bakke og May Kristin Barboza.
Representantar i Samarbeidsutvalet:
Janne Tomtum og Celine Skjortnes Karlsen (foreldrerepresentantar), Ingebjørg Hjelseth og Elisabeth Lote (tilsetterepresentantar), Otto Magne Strømmegjerde (politisk representant/barnehageeigar). Styrar/einingleiar er sekretær.