Barnehagane er heildagsbarnehagar som tilbyr plass 5 dagar per veke. Foreldre vert oppmoda om å ta omsyn til at barnet ikkje skal ha for lange dagar, sjølv om fleksibiliteten er stor. Opphaldstid over 8-9 timar er ikkje til barnets beste. Forsking syner at særleg dei yngste barna aukar produksjonen av stresshormon dersom dagane vert lange. Barnehagane har fylgjande normalopningstider:

• Blakstad naturbarnehage: 6.30 – 16.45
• Ullavik barnehage: 6.45 – 17.00
• Vikedalen barnehage: 6.30 – 17.00
• Ikornnes FUS barnehage: 6.45 – 17.00
• Krikane barnehage: 6.45 – 17.00
• Tryggheim barnehage: 6.45 – 17.00
• Velledalen naturbarnehage: 6.30 – 16.45

Den enkelte barnehage kan i samråd med samarbeidsutval/foreldreråd bestemme kortare opningstider utifrå behov.

Barnehagane er normalt stengt i fire veker om sommaren (fellesferien). Dei kommunale barnehagane gir tilbod om opphald første og siste veke i fellesferien, dersom interessa er stor nok (sjå vedtektene). Barnehagerutene er sett opp i samråd med styrarane ved dei kommunale og private barnehagane. I samsvar med sentral forbundsvis avtale skal barnehagane ha fem planleggings-/studiedagar gjennom året. Dette vert innarbeidd i felles barnehagerute for alle barnehagane. Den enkelte barnehage kan likevel gjere endringar i barnehageruta i samsvar med delegeringsreglane for samarbeidsutval. Barnehagane held ope både i haust- og vinterferien.

Barnehagerute (felles) 2024-2025 (PDF, 69 kB)