Ny spreiefrist for husdyrgjødsel - ny gjødselbruksforskriftEtter den nye gjødselbrukforskrifta, er spreieperioden for organisk gjødsel no avgrensa til mellom 1. mars og 15. september. Spreiefristen for husdyrgjødsel utan nedmolding har tidlegare vore 15. februar - 1. september i Sykkylven kommune. Alle lokale forskrifter er oppheva, og det er no same frist for heile fylket. Publisert 20.08.2025 14.33 Sist endra 20.08.2025 14.33 I ein overgangsperiode i år og neste år (2025 og 2026) er det ikkje krav om hausting eller etablering av ny plantevekst (nysåing) etter siste spreiing. Det er dessutan høve til å spreie husdyrgjødsel i perioden fram til 1. november med nedmolding. Ei anna endring er at det no er statsforvataren som behandlar dispensasjonssøknader for utvida spreiefrist, dvs. at kommunen ikkje lenger kan gi dispensasjon. På statsforvaltaren sin heimeside finn ein meir informasjon om regelendringar, samt skjema som kan nyttast for å søkje om dispensasjon. Statsforvaltaren i Møre og Romsdal - Informasjonsside