Hovland har lang og relevant erfaring frå brann- og redningsarbeid, både frå Sykkylven brann og redning og frå Ålesund brannvesen. Han har mellom anna arbeidd med beredskap, førebyggande brannvern, tilsyn, øvingar, opplæring og risikovurderingar.

 Som ny brannsjef vil Hovland få ei sentral rolle i vidare utvikling av Sykkylven brann og redning. Stillinga omfattar både leiing av brann- og redningsvesenet, ansvar for førebyggande arbeid og oppfølging av kommunen sitt arbeid med branntryggleik og beredskap.

«Eg ser fram til å bidra til den vidare utviklinga av Sykkylven brann og redning, med mål om å sikre best mogleg beredskap mot brann og ulukker for innbyggjarane og næringslivet i Sykkylven kommune. Samstundes vil eg ha eit særleg fokus på førebyggjande brannvern gjennom informasjon, rettleiing, tilsyn og systematisk risikoreduserande arbeid.»

Hovland startar i stillinga i starten av oktober.

 Vi ønskjer han hjarteleg velkomen med på laget!