Jordbruksføretak med vesentleg produksjonssvikt pga. klimatiske forhold kan søkje om tilskot for å erstatte det økonomiske tapet. Det er eit vilkår for å kunne motta tilskot at føretaket sender melding om skade til kommunen så snart skaden har oppstått eller vil kunne oppstå. Melding om skade skal gjerast elektronisk via Altinn. Dersom du har skade i fleire vekstgrupper, må det leverast melding for kvar vekstgruppe. Avlinga i skadeåret må vere mindre enn 70 prosent av gjennomsnittsavlinga for vekstgruppa for å utløse grunnlaget for tilskot. Eigenrisikoen er dermed på 30 prosent.