Utvida skjenketid under fotball-VM 2026Skjenkestadar i Sykkylven kan søke om utvida skjenketid til kl. 06.00 under fotball-VM 2026. Ordninga gjeld for verksemder som viser direktesende kampar innandørs. Det må sendast inn eigen søknad, og kommunedirektøren har fått mynde til å avgjere søknadane. Publisert 29.05.2026 09.58 Sist endra 29.05.2026 10.05 Kva kan det søkast om?Det kan søkast om utvida skjenketid for alkohol i gruppe 1 og 2 fram til kl. 06.00, med tilsvarande utvida opningstid. Det er berre verksemder med fast skjenkeløyve som kan søke. Ordninga gjeld berre innandørs skjenkeareal, ikkje på terrasse eller i telt. Vilkår for å få utvida skjenketidFor å få innvilga søknad må skjenkestaden vise direktesende kampar frå fotball-VM 2026 innandørs for gjestane sine. Som vedlegg til søknaden må verksemdene dokumentere: Lisens frå TV-selskapa for å få vise kampane Tilstrekkelig bemanning og vakthald i perioden med utvida skjenketidAt det er meldt til politiet at verksemda planlegg slik VM-framsyning. SøknadSøknad skal sendast på e-post til Sykkylven kommune: postmottak@sykkylven.kommune.no. I søknaden gir de ei beskriving av konseptet, antal plasser/gjester de kan ta inn, tidsrom det vert søkt om, i tillegg til dokumentasjonen som er nemnt ovanfor. Søknadsfrist: fortløpande, men seinast fredag 5. juni. Dersom søknaden ikkje er komplett/manglar dokumentasjon som nemnd ovanfor kan det føre til lengre saksbehandlingstid.