Vi flyttar inn i Helsehuset

Med stor glede og stoltheit kan vi meddele at vi snart opnar dørene til det nye Helsehuset i Sykkylven. 

Helsehuset er eit moderne og framtidsretta bygg som skal huse fleire av våre viktige helsetenester. 

Publisert 29.10.2025 15.06
Sist endra 13.01.2026 11.14

Tenestene som flyttar inn i Helsehuset er legesenteret og legevakt, rus og psykisk helse, og heimetenestene. 

Eit løft for innbyggarane

Helsehuset blir ein samlande arena for fleire tenester innan helse og omsorg i kommunen. Desse er psykisk helse og rus, Sykkylven legesenter/legevakt og heimebasert omsorg. 

Dette er eit stort løft for kommunen og eit viktig steg mot betre samhandling og utvikling av trygge og gode helsetenester for alle som bur i Sykkylven - både no og i framtida. 

Innflytting og oppstart

Tenestene flyttar inn trinnvis i løpet av november og desember. I samband med flyttinga kan det vere noko redusert tilgjengelegheit enkelte dagar, men alle tenestene vil vere operative og tilgjengelege på telefon. 

Plan for innflytting 

  • 3. november: Psykisk helse og rus
  • 19. november: Legesenter og legevakt 
    Frå kl. 08.00 onsdag 19.november er legesenter/legevakt å finne i Helsehuset i Auregata 19. Frå dette tidspunktet skal alle som har time eller behov for legevakt møte opp ved Helsehuset. 
  • Medio desember: Heimebasert omsorg

Redusert drift ved legesenteret

Flyttedagane onsdag 19. november t.o.m. fredag 21. november vil legesenteret ha redusert drift. Laboratoriet vil vere stengt desse dagane. 

Legevakt: Ved behov for øyeblikkeleg hjelp er legevakta open som vanleg. 

Telefonnummer og opningstider er dei same som før: 

  • Sykkylven legesenter: 70 25 50 50
  • Legevaktsentral: 116 117
  • Øyeblikkeleg hjelp: 113

Det kan vere noko lengre ventetid på telefon i flytteperioden. 

Parkering

I perioden fram til 10. desember vil det vere redusert parkeringskapasitet. Vi vil oppfordre alle besøkande til å nytte parkering foran Helsehuset og langs veggen på Coop Extra.