Sykkylven kommune har ca 100 km veg, fordelt på ca 200 ulike vegstrekningar. Vi forstår at snøen kan skape utfordringar, men det tek tid å brøyte kvar enkelt rode. 

Brøytinga startar vanlegvis når det har kome omlag 10 cm våt snø eller 15 cm tørr snø. 

Brøyteroder 2021 - 2026

Sykkylven kommune har delt vegnettet inn i fleire brøyteroder for å sikre effektiv snørydding. Desse blir brøyta av firma eller entreprenørar som utfører arbeidet på vegner av kommunen. 

• Rode 1: Hundeidvik/Tusvika - Klokkehaug Maskin AS
• Rode 2: Straumgjerde/Ytre Jarnes - Klokkehaug Maskin AS
• Rode 3: Velledalen - Hole Anlegg AS
• Rode 4: Fjellsæter/Fausa - Hole Anlegg AS
• Rode 5: Pihlbakken/Tjønes - Hoku Anlegg AS
• Rode 6: Pihlbakken/Haugset/Aurdal/Ørsnes - Klokkehaug Maskin AS
• Rode 7: Ramstaddalen/Søvikdal/Løvold - Sykkylven Maskin AS
• Rode 8: Gang/sykkelvegar - Klokkehaug Maskin AS

Brøytebilane følgjer ei rute og har ein plan for å dekke kommunen mest effektivt. Det kan likevel ta tid før alle vegar og område blir rydda, særleg ved store snøfall. 

Sjå kart over dei ulike rodene (PDF, 4 MB)

Fylkesvegar 

Møre og Romsdal fylkeskommune har driftsansvar for fylkesvegane i kommunen:

- Sykkylvsvegen; Fv 60: Frå Ausneset til Stranda, kommunegrense
- Dalevegen; Fv 73: Frå Fv 60, småbåthamna til ca. Ramstaddalen 
- Del av Sørestrandvegen; Fv 71: Frå Sykkylvsbrua, Ikornnes til Gjæveneset 
- Vallavegen; Fv 77; Frå vegkryss ved Fetbrua til vegkryss Hjorthol 

Sjå elles heimesida vår for meir informasjon om veg.