Sykkylven kommune har, i samarbeid med Husbanken og private utbyggarar, sett i gang fleire prosjekt for å sikre fleire utleigebustadar for innbyggarar som treng ein stad å bu. Etter at kommunen i juni i fjor inviterte profesjonelle utbyggarar til samarbeid om tilvisingsbustadar, er tre prosjekt no allereie i gang.
Kommunen har tilvisingsrett på 40 prosent av leilegheitene.
Publisert 07.01.2026 10.44
Sist endra 07.01.2026 10.44
Speidarvegen
Speidarvegen består av 2 firemannsbustader, med til saman åtte leilegheiter til leige. Alle leilegheitene har privat balkong eller terasse, sportsbod og parkeringsplass.
Dette blir moderne og praktiske leilegheiter med god standard, der kommunen vil ha tilvisingsrett i tråd med avtalen.
Prosjektet er godt i gang, og dei åtte bustadane er planlagde innflyttingsklare i april 2026.
Grebstadhagen
Grebstadhagen består av to seksmannsbustader med 12 leilegheiter til leige. Alle leilegheitene har privat balkong eller terrasse, sportsbod og parkeringsplass. Det er heis til 2. etasje, og bustadane ligg sentralt til med kort veg til det ein treng i kvardagen.
Prosjektet inneheld tre typer leilegheiter med varierande størrelse og leigepris.
Bustadane er planlagde innflyttingsklare i slutten av 2026.
Nakkegata
Nakkegata består av ein seksmannsbustad med seks leilegheiter til leige. Alle leilegheitene har privat balkong eller terrasse, sportsbod og parkeringsplass.
For eigedomen i Nakkegata viste det seg at eksisterande bygning var i vesentleg dårlegare stand enn forventa. Utbyggar har derfor søkt om å rive bygget. Kommunen vil handsame byggemeldinga etter at oppmåling og fastsetting av grenser er gjennomført.
Bustadane er planlagde innflyttingsklare mot slutten av 2026.
Kontaktinformasjon for dei tre prosjekta
Viktig bidrag til bustadutvikling i kommunen
Desse prosjekta er eit godt døme på korleis samarbeid mellom kommune, Husbanken og private utbyggarar kan gi fleire gode utleigebustadar i Sykkylven.
Tilvisingsavtalane sikrar kommunen langsiktig tilgang til bustadar for innbyggarar som har behov for dette, samstundes som utbyggar får stabile rammer for utvikling og drift.