Slik søker du barnehageplass 

Søknadane skal sendast inn elektronisk via “Foreldreportalen” i Visma Flyt Barnehage. 

Du loggar deg inn med elektronisk ID via ID-porten. Når du skal registrere eit barn første gong klikkar du på «Legg til barn». Det er viktig at alle namn, adresser og personnummer vert registrert korrekt. Dette fordi Visma Flyt Barnehage er knytt opp mot Folkeregisteret. Når søknaden er sendt vil du motta ei stadfesting via e-postadressa som du har oppgitt i søknaden. 

Lenke til Foreldreportalen

Desse må søke: 

• Barn som ikkje har barnehageplass 
• Barn som står på venteliste no 
• Barn som har plass, men ønsker å bytte barnehage 

Hovudopptaket gjeld for barn som skal starte opp i august 2024. Barn som er fødd i september, oktober eller november 2023 har rett til å vente med oppstart til den månaden barnet fyller eitt år. Husk å registrere ønska oppstartdato i søknaden. 
Søknadar som kjem inn etter 1.mars vil ikkje bli handsama i hovudopptaket, men ved supplerande opptak i etterkant. 

Vi oppmodar søkjarane om å registrere flest mogleg aktuelle barnehagar i prioritert rekkefølgje ved utfylling av søknadsskjema. I tilfelle du ikkje får tilbod i tråd med ditt/dine hovudønske, aukar du då sjansane for å få tilbod i ein annan barnehage som kan vere aktuell for deg. Du kan uansett velje å stå på venteliste for høgare prioritet, sjølv om du takkar ja til ein plass med lavare prioritet.  

Dersom du har behov for hjelp til å fylle ut søknaden i Foreldreportalen kan du ta kontakt med Servicetorget (tlf 70 24 65 00) eller rådgjevar oppvekst (tlf 482 75 096).