Måndag 6. november skal kommunestyret i Sykkylven handsame innstillinga. 

Vi har hatt ein grundig prosess med bistand frå ekstern rådgjevar, politikarar, administrasjon og tillitsvalte. Vi er nøgde med å foreslå Torbjørn Emblem som ny kommunedirektør, seier ordførar Olav Harald Ulstein.  Han har leia intervjugruppa. Ordførar understrekar at det er kommunestyret som formelt tilset kommunedirektøren. 

Torbjørn Emblem er i dag konstituert kommunedirektør i Sykkylven kommune.  Han har lang kommunal erfaring som økonomisjef, og han har tidlegare vore både økonomisjef og rådmann i Stordal. Han har i tillegg bakgrunn frå privat næringsliv. 

Intervjugruppa har bestått av ordførar Olav Harald Ulstein, varaordførar Jarle Strømmegjerde, Hans Petter Brunstad Sørensen, Odd Jostein Drotninghaug og Heidi Smørdal-Ask hovudtillitsvalt i Utdanningsforbundet. Mercuri Urval ved Ole Petter Bratteberg har vore rådgjevar i prosessen. 

Kontaktperson: 
Ordførar Olav Harald Ulstein - tlf. 900 95 687.