Som foreldre har alle mange gleder og naturleg nok også utfordringar. I ein travel kvardag kan det vere lite tid til å tenke over korleis vi er som foreldre og ikkje minst kor viktig vi er for barna våre. 

Om du ønsker å delta eller har spørsmål, ta kontakt med Marianne 91 75 63 70 eller Nina 90 81 71 09.
Frist for påmelding er 31.12.2024.

Kva er ICDP-foreldregruppe? 

Gjennom ICDP foreldregrupper kan du møte andre foreldre og utveksle erfaringar om forholdet til ditt barn. Målsettinga er at den enkelte skal bli trygge foreldre, ved å bli bevisste på kva dei gjer som er bra for barna sine. Du får ingen ferdig oppskrift, men hjelp til å finne eigne løysingar for deg og ditt barn. 

Samtalane i foreldregruppene tek utgangspunkt i dine og dei andre deltakarane sine erfaringar frå kvardagen. Fokuset er på korleis foreldre oppfatta barnet sitt og korleis ein samspelar i kvardagen. Gjennom arbeid med 8 tema for godt samspel vil du kunne “sjå” og forstå barnet ditt på ein ny måte. 

Praktisk informasjon om ICDP: 

• Foreldregruppene er eit gratis lavterskeltilbod som alle foreldre kan vere med på
• Gruppene går over 8 samlingar på ca. 1,5 - 2 timar pr. samling. 
• Foreldregruppa er på inntil 8 personar 
• Læringa foregår gjennom ein kombinasjon av samtalar og erfaringsutveksling, oppgåver og refleksjon. 
• Ein vel sjølv kor mykje ein ønsker å dele i gruppa