Neste steg er forhandling av avtale mellom Sykkylven kommune og REN Eiendom AS. Kommunestyret vedtek endeleg avtale.  

Samtidig kan det varslast oppstart av detaljregulering i tråd med reglane i plan- og bygningslova. Gjennom regulering og byggesak skal utbyggingsarealet detaljplanleggast og bygget utformast. 

Kommunestyret oppnemnte samtidig politiske representantar til ei arbeidsgruppe som skal vurdere innhald og utforming i det som kan bli den offentlege delen av kaiområdet.

Kommunestyret sitt vedtak den 14.02.22, sak 06/22:
Kommunestyret vel alternativ sør parallell plassering som grunnlag for vidare forhandling og
detaljplanlegging av kaiområdet.
Kommunestyret vil at arbeidet med planlegging av kommunalt areal på kaiområdet skal fortsette
parallellt med detaljregulering av butikkarealet. Dei valgte politiske medlemmene fortset dette
saman med administrasjonen.

Bakgrunn for saka var at kommunestyret vedtok før jul at ein skulle gå i dialog med REN Eiendom om arealbruk på kaiområdet. 
Ei felles arbeidsgruppe vart oppretta for å greie ut ulike alternativ.  Arbeidsgruppa sin rapport var grunnlaget for kommunestyret den 14.2.  

Arbeidsgruppa sin rapport. (PDF, 17 MB)