Lokalt næringsliv er avhengig av at kommunen ein driv i er ein god stad å bu og ein god stad å besøke. Ein god stad å bu og besøke er igjen avhengig av eit næringsliv med spanande og attraktive arbeidsplassar. Kommunen er opptatt av at næringslivet skal få drive den utviklinga dei treng, og eit tiltak for å bidra til dette er å støtte utviklingsprosjekt i både nytt og eksisterande næringsliv.
Sykkylven Næringsutvikling(SNU) er kommunen si næringsavdeling. SNU og Omstillingsprogrammet samarbeidar tett og er samlokalisert i SkaparLINKEN.
Hoppid.no
er ei støtte gitt i tidleg fase. Dette er eit lavterskel tilbod til dei som har planar om, eller ønsker, å starte si eiga bedrift. Desse midlane skal gi ei avklaring eller starthjelp til å gjennomføre enkle, men avgjerande aktivitetar for vidare satsing. Ein kan få inntil kr. 30.000 i støtte.
Midlane kan blant anna gå til bedriftsrådgivning, marknadsundersøkingar, forretningsutvikling, testing av produkt m.a. Det kan ikkje giast støtte til fysiske investeringar.
Vi har i overkant av kr. 200.000 i hoppid.no midlar. I mai i år fekk vi tildelt om lag kr. 180.000 frå fylkeskommunen. Aktiviteten er god; 2 søknadar er ferdig behandla og utbetalt i år, medan 7 personar har registrert case i hoppid plattforma, og desse er aktuelle for utbetaling av midlar i løpet av 2023.
Desse har fått tildelt midlar hittil i år
Kommunalt næringsfond
Næringsfondet i Sykkylven er ei støtteordning som skal nyttast til å styrke nyetableringar, innovasjon og næringsutvikling i Sykkylven kommune. Fondet kan også nyttast til vidareutvikling av eksisterande verksemder.
Vi har fortsatt kr. 700.000 å dele ut til utviklingsprosjekt hos lokale bedrifter. Meir informasjon om Næringsfondet og søknadskriterier finn du på skaparglede.no.
Tildelingar frå Næringsfondet 2023
Omstillingsprogrammet
Bedrifter, organisasjonar eller privatpersonar som ønske å starte eller utvikle verksemd i Sykkylven kan søke om økonomisk bistand frå omstillingsmidlane. Kravet er at tiltaket de ønsker å utvikle fell inn under omstillingsprogrammet i Sykkylven sine fire innsatsområder:
- Skaparglede i næringslivet
- Opplevingsnæringar
- Samarbeid og nettverk
- Attraktive Sykkylven
Her er det framleis rom for mange spanande prosjekt i 2023 med ei ubrukt ramme på rundt 1.mill. Nettverk av bedrifter kan også søke prosjektmidlar i lag. Ein kan lese meir om kriteria på skaparglede.no, og ta gjerne kontakt.
Innvilga søknadar pr. 03.07.2023