Han startar i stillinga før sommaren. 

Drotninghaug har fleire års erfaring som leiar ved møbelprodusenten Hjellegjerde Møbler fram til 2010 og etter det som rådgjevar i NAV.  Dei siste åtte åra har han vore ordførar i Sykkylven kommune og har gjennom desse åra opparbeidd seg god kjennskap til administrasjonen i Sykkylven kommune.

Drotninghaug si tilbakemelding er at han er veldig glad for å få denne jobben, med eit veldig spennande arbeidsområde. Han ser spesielt fram til å jobbe saman med mange dyktige folk, og at ein saman skal fortsette å gi gode tenester til innbyggarane framover. “I tett samarbeid med tilsette, politikarar og innbyggarar vert det veldig kjekt å kunne vere med å bidra til å utvikle Sykkylven vidare”. 

Vi ønsker Odd Jostein Drotninghaug velkommen til Sykkylven kommune.