Jordmor

Du er velkommen til å kontakte jordmor så snart du sjølv ønskjer det. Oppnår du ikkje kontakt via telefon, så legg igjen navn og telefonnummer på servicetorget og du vil bli kontakta så snart som råd. Jordmor jobbar saman med helsesjukepleiarane og helsesekretær på helsestasjonen.

Sist endra 29.04.2024 08.41

Kva tilbyr vi?

Svangerskapsomsorga er basert på den nasjonale retningslinja utgitt av Helsedirektoratet.

Sjå nyttige lenker lenger ned på denne sida.

Jordmor ynskjer å møte deg så tidleg som mogleg i svangerskapet og bidra til at du får ei trygg og god oppleving av å vere gravid. Du vel sjølv om du ynskjer oppfølging hos jordmor eller lege, eller i kombinasjon. Partner er velkommen!

Jordmor og/eller lege fyller ut "helsekort for gravide" saman med deg og i det høve gjerast ei kartlegging av kva oppfølging ein tenkjer du bør ha i svangerskapet. Du får alltid høve til å kome med spørsmål og tankar.

Ein tilrår at du går regelmessig til konsultasjonar under svangerskapet. Vanlig sjekk er mellom anna: blodtrykk, protein i urin, vektoppgang, vekst av livmora, fosterlyd, korleis barnet ligg i livmora, nokre gonger blodprøver og sjølvsagt spørsmål om korleis du har det.

Dei vanlegaste tema jordmor tek opp undervegs er: fysisk-. og psykisk helse, aktivitet, kosthald og kosttilskot, legemiddel, alkohol og illegale rusmiddel, røyk og snus, oppleving med vald/overgrep, svangerskapsplager, amming, fødsel og barseltid, prevensjon, foreldrerolle.

Tolketelefon vert brukt ved behov.

Etter fødselen får du tilbod om tidleg heimebesøk av jordmor.

Helsesjukepleiar tilbyr deretter ny kontakt med deg,