Norges vassverk og energidirektorat (NVE)

NVE har ansvaret for overvakinga av dei ustabile fjellpartia. Overvakinga av Åkneset og Hegguraksla skjer ved hjelp av måleinstrument som er plassert ute i fjellet med overføring av måledata til senteret på Stranda.  

Det ustabile fjellpartiet Åknes har forholdsvis stabil rørsle, 8–9 cm pr. år i den mest aktive delen. Men målingane viser variasjonar over året med noko høgare hastigheit i periodar med mykje nedbør, og lågare hastigheit i tørre periodar. Hegguraksla har ei stabil utvikling med berre marginale rørsler, under éin mm i året. 

Drenering 

Det har vore eit fireårig prosjekt for å greie ut om drenering er eit aktuelt tiltak for å redusere sannsynet for eit skred. Konklusjonen er at det sannsynlegvis vil ha effekt.  

Det finst fleire alternative løysingar, og den beste løysinga synes å vere basert på tunnel. 

Stortinget gjorde i desember 2021 einstemmig vedtak der dei bad regjeringa sikre at det vert utarbeidd ein plan. Vi ventar på at det skal løyvast midlar til prosjektet for å kome vidare. 

Befolkningsvarsling

Alle som oppheld seg i området får SMS-varsel ved endring av farenivået.  Åknes/Tafjord IKS har  bygd opp sitt eige system. Dei sentrale styresmaktene har i samarbeid med mobilaktørane nyleg etablert eit nytt system for nødvarsel til befolkninga: www.nodvarsel.no.  

Vi vil undersøkje om dette kan vere eit alternativ til det som blir brukt i dag.  

Lokal beredskap 

Grunnberedskapen er på plass for å ta vare på liv og helse. Fokus framover er å planlegge for tida under og etter evakuering.   

Vi vil peike på at vi bur i eit svært trygt område der vi blir passa på døgnet rundt. Vi veit at overvakinga og varslinga fungerer, vi veit at vi vil ha god tid til å detaljplanlegge den dagen rørslene ev. aukar, og vi veit at det er eit stort apparat som då vil bli sett i verk for å ivareta situasjonen på best mogleg måte.  

Eigenberedskap 

Det er likevel viktig at kvar og ein, både privatpersonar og næringsliv, tenker over sin situasjon i eit slikt scenario. 

Planverk 

Det er bygt opp eit regime når det gjeld beredskapsplanverk for fjellskred: 

Nasjonalt planverk 

Nasjonal plan med overordna føringar, vedteken i 2015.  

Regionalt planverk 

Objektplan Åkneset, vedtatt i 2016.
Objektplan Hegguraksla, vedtatt i 2016.

Lokalt planverk 

Interkommunal konsekvensanalyse (PDF, 2 MB), vedtatt i alle involverte kommunar  
Aktørplan – generell del 
Aktørplanar – flytting av verksemder (alle kommunane har eigen plan). 
Aktørplanar – samordning av tiltak (alle kommunane har eigen plan).

Andre ressurssider

Rapportar som er samla på Statsforvaltaren i Møre og Romsdal sine nettsider 
Kart over fare- og evakueringssonene  (klikk på "samfunnssikkerhet" og "fjellskred MR" i menyen til venstre) 
Faktaark frå NVE om store fjellskred 
Kraft og skredsenteret i Tafjord 
DSB: Risikoanalyse av varsla fjellskred (2016) 
FylkesROS - Statsforvaltaren i Møre og Romsdal 

Historikk

Er du interessert i historikk, kan du lese om Tafjordulykka og Loenulykka på Geo365.no.  

Har du behov for meir informasjon, ta kontakt med servicetorget i di kommune så hjelper dei deg til rette vedkomande.