Om demensteamet 

Demensteamet består av geriatriske sjukepleiarar med kompetanse på demens. Vi samarbeider tett med fastlegen og andre tenester i kommunen. 

Dette får du hjelp til

Vi tilbyr: 

• Heimebesøk etter førespurnad frå pårørande, fastlege eller heimetenestene 
• Kartlegging av funksjonsnivå og behov for hjelp 
• Utgreiing i samband med fastlegen, som har ansvar for medisinsk vurdering og diagnose 
• Rettleiing om hjelpemiddel som kan støtte hukommelse og gi tryggleik i heimen 
• Oppfølging og støtte til både personar med demes og pårørande 

Vi brukar ulike verktøy for å kartlegge situasjonen, og pårørande blir involvert i prosessen. 

Kvifor er demensutgreiing viktig? 

Ei grundig utgreiing kan: 

• Avklare om symptoma kjem av demens eller andre sjukdomar 
• Gi oversikt over medisinar og behov for endringar 
• Gjere det mogleg å sette inn riktige tiltak til rett tid 
• Bidra til betre kvardag for både den som er ramma og dei pårørande. 

Kven kan få hjelp? 

Tilbodet er for: 

• Personar med mistanke om demens eller kognitiv svikt 
• Pårørande som ønsker råd og rettleiing 

Teikn på demens 

Typiske symptom kan vere: 

• Gløymer nylege hendingar 
• Gjentek seg sjølv og leitar etter ord 
• Er forvirra om tid og stad
• Har vanskar med å kjenne igjen folk 
• Gløymer innlærde ferdigheiter 
• Endra personlegdom eller svekka dømmekraft 
• Har problem med å klare seg i kvardagen 
• Mistar initiativ og interesse 
• Opplever humørsvingingar 

Pris på tenesta

Tilbodet frå demensteamet er gratis. 

Slik får du hjelp 

Du kan ta kontakt med demensteamet via telefon eller e-post. Kontaktinformasjon finn du nedanfor eller i høgremargen på sida.