HjelpemiddelDersom ein har funksjonstap som følgje av sjukdom eller skade, kan hjelpemiddel vere eit kompenserande tiltak som muliggjer aktivitet og mestring i kvardagen. Sist endra 04.03.2024 13.19 Behov for hjelpemiddel Om du har varig behov for hjelpemiddel kan du få hjelp til å søkje hjelpemiddel frå NAV Hjelpemiddelsentral i Møre og Romsdal. Ta da kontakt med ergoterapeut som vil hjelpe deg. Ergoterapeuten er også syns- og hørselskontakt. Dersom du har behov for å låne hjelpemiddel i ein kort periode etter skade eller inngrep kan du låne frå kommunalt kortidslager.Kommunalt lager har blant anna:Toalettforhøgar.Toalettstol.Dusjkrakk.Rullator.Manuell rullestol.Krykker og stokk må kjøpast sjølv, ein kan få kjøpt det ved servicetorget, Sykkylven kommune. Ispiggar til krykker får ein kjøpt på Vitusapotek i Sykkylven. Korleis få hjelpemiddel Alle som bur, eller midlertidig oppheld seg i kommunen, og som på grunn av helsesvikt har behov for hjelpemiddel.Er du busett i annan kommune må du få hjelp til søknadar som omhandlar varig lån i din heimkommune.Ved korttidslån kan du ta kontakt direkte med hjelpemiddelteknikar. Ved behov for varig utlån frå Nav Hjelpemiddelsentral, kan du ta kontakt med ergoterapeut. Tenesta er gratis. Levering og henting Ta kontakt med hjelpemiddelteknikar på førehand for å avtale utlån eller innlevering av hjelpemiddel. Hjelpemidla skal i utgangspunktet hentast og leverast av brukar/pårårande. Dersom dette er vanskeleg kan hjelpemiddelteknikar bistå. Det er viktig at utstyr som ikkje lenger er i bruk leverast tilbake i reingjort tilstand, så raskt som mogleg.Korttidslån blir loggført.