Kontantkassa er ei støtteordning der du kan søkje om tilskot på ein enkel og ubyråkratisk måte. Tilskotet skal bidra til at barn og unge mellom 6-18 år kan delta i ein fritidsaktivitet uavhengig av familien sin sosiale eller økonomiske situasjon.

Dei som kan søke om tilskot frå kontantkassa er: 

• Laget/foreninga, for eksempel idrettslaget, korpset, lokallaget, kulturskulen og andre 
• Tilsette i kommunen, for eksempel helsesjukepleiar, miljøterapeut, barneverntenesta og andre

Barnet eller familien kan ikkje søke sjølv. 

Søkaren må vurdere om familien er i ein slik situasjon at eit bidrag frå kontantkassa vil vere avgjerande for om barnet kan delta på ein aktivitet eller ikkje. Det er barnet/familien sin situasjon som er avgjerande. Kontantkassa skal ikkje vere eit handslag til lag og foreiningar som har utfordringar med å inndrive kontingentar. 

Den som søker har ansvar for å følge opp at barnet/ungdommen deltek i aktiviteten det er søkt tilskot til. I dette ligg det å informere involverte lag om at det er søkt om tilskot frå kontantkassa. Den som søker må hjelpe barnet/ungdommen til å huske på/kome seg til aktiviteten i starten, søkar treng ikkje å følge barnet på aktivitetane.

Du kan søke om tilskot til: 

• Kontingent/semesteravgift 
• Turneringar/cup
• Leir
• Lommepengar
• Utstyr for deltaking i fritidsaktivitetar
• Reiseutgifter til trening, t.d. busskort

Kor mykje kan du få i tilskot?

Ein kan søke om tilskot for inntil 3000,- pr. person i året. Det betyr at ein kan søke fleire gongar gjennom året for kvar person.

Søknadar vert behandla fortløpande (ingen søknadsfrist) og midlar vert fordelt inntil kassa er tom.