Her på Blakstad Naturbarnehage legg vi vekt på at barna skal utforske, leike, lære og få gode opplevingar i naturen. Vi ynskjer att borna skal bli glad i naturen på deira eigne premisser.

Nærmiljøet til barnehagen er svært bra med nærleik til Tuvatnet, skogen, fotballbana, gapahuk og sjø. I tillegg flott uteområde i barnehagen, med variert terreng og store område med naturtomt – berg og skog. Det veks blåbær inne på barnehagen sitt område som borna kosar seg med å plukke den tida. Store furutre slepp konglene ned på bakken, som vi får glede av å leike med og bruke til forming.

Storbarnsavdelinga har ein fast turdag i veka og går elles utanfor gjerdet så snart vi få til det, evt til Tuvatnet, gapahuken eller fotballbana rett ved. Både korte og lengre turar.

På storbarnsavdelinga er vi ute minimum to timar per dag, og gjerne meir på vår og sommarhalvåret. Det er viktig for oss at det skal vere kjekt å vere ute, så vi tek hensyn til ver og temperatur og andre forhold. Vi har fast utetid mellom lunch og fruktmåltid. Nokre gongar går vi ut på formiddag også. Om veret tillet det, er vi ute til hentetid.

På småbarnsavdelinga har vi fast utetid på formiddagen. Her ser vi også an ver og årstid og er ute lenger om vi kan det. Når det er veldig kaldt i veret har barnehagen reinsskinn til å sitte på ved måltid ute. Nokre gongar gjennom året vil vi ta med borna å ha frokosten ute rundt bålet f.eks.

Vi vil lære borna litt om fugle og dyrelivet rundt barnehagen. Her kan vi vere heldige og sjå både rev, hjort, ørn, ekorn, blåmeis, kjøttmeis, skjor, kråke, dompap, ender og svane. Vi har til og med hatt nærkontakt med ei røy som slo seg til i barnehagen, som borna fekk klappe og ha kontakt med ei vekes tid - før ho drog vidare. Dette vil vi synleggjere gjennom å ha dyre/fugleliv som tema enkelte gongar gjennom året. Vi kan f.eks lytte til kva lydar dei lagar, kva farge dei har, kor og kva dei lev av og sjå på spora dei lagar i snøven. Vi har satt opp ekorn-matar i barnehagen som vi ser gjennom vindauget på storbarn, og vi lagar fuglemat å heng opp i trea på uteområdet vårt. I skogen studerer borna småkryp og insekt, plantar, tre og mose mm. Ved Tuvatnet matar vi svaner og ender, vi har ofte sett meir enn 20 svaner som held til der.

Vi ynskjer å synleggjere att vi jobbar med natur som tema gjennom året, gjennom å vise det på månadsplanar eller bilder frå kvardagen og på facebook-sida til dei kommunale barnehagane, samt facebook-sida til barnehagen. Nokre månader kan andre ting ha større fokus på månadsplanen, som høgtider osv.

Barnehagen starta opp med "Forskardagar" i barnehagen hausten 2018, der barna (hovudsakeleg storbarn, men også litt for dei yngre) får vere med på ulike eksperiment, og forskar/undrar seg på korleis ting virkar.
Vi er opptatt av kjeldesortering og miljøvern, og tenker gjenbruk der vi kan. 

Barnehagen har eigen grønnsakshage. Det varierar litt frå år til år kva vi sår, men har brukt å sette poteter, sådd gullerot, sukkererter og rabarbra. Der står også eit epletre.

Nokre av aktivitetane vi har gjennom året: 

• Mat på bål
• Skogen der vi kan studere dyre og fugleliv 
• Turar til og rundt Tuvatnet
• Ekorn-matar i eit tre på barnehageområdet
• Bading i Tuvatnet sommarstid 
• Forming med naturmateriell 
• Ski-løype på fotballbana - barna kan ta med ski når det er snøv 
• Akebakke (fotballbana og ved gangvegen)
• Tur til fjøra (fange krabber og plukke skjell) 
• Tur til gapahuken i Tudalen
• Båt på Tuvatnet
• Truge-tur 
• Forskarklubb