Det er ikkje mogleg å få ferdigattest for tiltak som er omsøkt før 1. januar 1998. Dersom byggverket er omsøkt, godkjent og det foreligg eit mellombels bruksløyve, vil det ikkje vere ulovleg å bruke byggverket sjølv om ferdigattest manglar. 

Eventuelle ulovlege byggetiltak vil ikkje automatisk vere godkjent i slike saker, og teikningane som låg til grunn for byggetiltaket er dei som fortsatt gjeld. Det er då bygget sin eigar som er ansvarleg for at bygget er utført i tråd med løyvet. 

Viss det er gitt mellombels bruksløyve for tiltaket, kan kommunen gi ferdigattest basert på: 

• erklæring frå ansvarlege foretak frå byggesaka, eller 
• akseptere ei eigenerklæring frå tiltakshavar 

Dette vil vere uavhengig av omfanget og kompleksiteten av det arbeidet som gjensto då bruksløyve vart gitt. Dersom der ikkje er mogleg å få tak i dei foretaka som hadde ansvarsrett i byggesaka, må eit eller fleire andre foretak ta over ansvaret. Kommunen kan pålegge uavhengig kontroll av arbeidet der vi ser det som nødvendig. 

Eigenerklæring frå tiltakshavar er for eksempel tilstrekkeleg der det gjenståande arbeidet i seg sjølv ikkje ville vore ansvarsbelagt. 

Dersom det ikkje er blitt gitt mellombels bruksløyve må ansvarleg foretak gå god for arbeidet; enten dei som fekk ansvarsrett i byggesaka, eller nye foretak som tek over ansvaret. Uavhengig kontroll av utført arbeid kan ofte vere aktuelt i slike tilfelle. 

For desse søknadane er det ingen unntak. Dette betyr at ansvarlege foretak skal gi samsvarserklæring for arbeidet dei utføre, og kommunen skal gi ferdigattest på bakgrunn av desse erklæringane. 

Enkelte byggetiltak blir omsøkt og gjennomført utan ansvarlege foretak. I dei tilfella er det tilstrekkeleg med ei stadfesting frå tiltakshavar om at arbeidet er utført i tråd med løyvet. 

Plan- og bygningsloven § 21-10. Sluttkontroll og ferdigattest

Byggesaksforskriften § 8-1. Ferdigstillelse av tiltak

Byggesaksforskriften (SAK10) med veiledning