Tilskot til spesielle miljøtiltak (SMIL) – Søknadsfrist: 15. april

Føremålet med SMIL-ordninga er å ivareta natur- og kulturminneverdiane i jordbruket sitt kulturlandskap, samt å redusere forureininga frå jordbruket, utover det som kan forventast gjennom vanleg jordbruksdrift. Tilskot kan bli gitt til ulike typar prosjekt/tiltak; planlegging- og tilretteleggingsprosjekt, tiltak som fremmar biologisk mangfald, kulturlandskapstiltak og forureiningstiltak.

Tiltak som inneheld fylgjande moment vert prioritert høgast:

• Tiltak som styrkjer driftsgrunnlaget for aktive gardbrukarar.
• Tiltak som er viktige for biologisk mangfald/landbruk/reiseliv.
• Tiltak som tek vare på viktige kulturlandskap/ -miljø.
• Fellestiltak.

Søknadsskjema. Altinn.

Meir informasjon om ordninga og tiltaksstrategi med tilskotssatsar finn du er: 

Informasjonsside. Tilskot til spesielle miljøtiltak i landbruket (SMIL)

Tilskot til tiltak i beiteområde – Søknadsfrist: 15. april

Føremålet med ordninga er å legge til rette for best mogleg utnytting av beite i utmark, redusere tap av dyr på utmarksbeite og fremme fellestiltak i beiteområda. Beitelag og andre former for organisert samarbeid (t.d. grunneigarlag, radiobjellelag) som er registrert i einingregisteret og som driv med næringsmessig beitedrift kan søkje om tilskot til tiltak i beiteområde. I område der det pga. naturgitte eller driftsmessige høve ikkje ligg til rette for samarbeid kan føretak som oppfyll krava i forskrift om produksjons- og avløysartislkot § 2 også søkje om tilskot.

Aktuelle tiltak kan vere:

• Sperregjerder som skal hindre beitedyr i å komme ut av beiteområdet.
• Bruer. Ein kan gje tilskot til bruer som er dimensjonert for føring av beitedyr. Dersom bruene er kraftigare dimensjonert kan kostnadsoverslag eller del av tilskot reduserast tilsvarande.
• Gjeterhytter. Kostnadsoverslag for gjeterhytter kan omfatte hytter på inntil 20 m2 med kvadratmeterpris som tilsvara gjennomsnittleg kostnad for hytter av enkel standard i det aktuelle området.
• Sanke- og skilleanlegg.
• Anlegg/rydding/ utbetring av driftevegar.
• Saltsteinsautomater.
• Transportprammer.
• Elektronisk overvåkingsutstyr (radiobjeller, lammenoder, merkesavlesere, findmysheep, droner mv.).
• Elektronisk gjerde (f.eks. av typen Nofence).

Søknadsskjema. Altinn. 

Meir informasjon og tiltaksstrategi finn du her: 

Informasjonsside for tiltak i beiteområde 

Tilskot til drenering – Søknadsfrist: 15. april

Eigar av, eller føretak som leiger, tidlegare grøfta jordbruksareal med behov for ny drenering kan søkje om tilskot til drenering. Tilskot til drenering av jordbruksjord, avgrensa til systematisk grøfting, profilering og omgraving utgjer 2000 kroner per dekar. Ved anna grøfting kan ein få 30 kroner per løypemeter grøft avgrensa oppad til 2000 kroner per dekar.

Søknadsskjema. Altinn. 

Meir informasjon om ordninga finn du her:

Informasjonsside for tilskot til drenering